سپیکر پنجاب اسمبلی محمد سبطین خان نے کی زیر صدارت پنجاب اسمبلی کا اجلاس منعقد ہوا

 صوبائی اسمبلی پنجاب            

  لاہور۔(پریس ریلیز)31 اگست2022 

   سپیکر پنجاب اسمبلی محمد سبطین خان نے کی زیر صدارت پنجاب اسمبلی کا اجلاس منعقد ہوا۔اجلاس میں سپیکر سبطین خان نے سیلاب کے شہداء کے کیلئے دعائے مغفرت کروائی، اجلاس میں محکمہ سوشل ویلفیئر و بیت المال سے متعلق سوالا ت دریافت کیے گئے۔صوبائی وزیر بیت المال غضنفر عباس چھینہ نے سوالات کے جوابات دیے۔جہیز فنڈ کے استعمال سے متعلق غلط جواب پررکن اسمبلی ملک ارشد اور صوبائی وزیر بیت المال کے درمیان تکرار پر ملک ارشد نے کہا کہ میرے سوال کا جواب محکمے کی جانب سے غلط جواب دیا گیا ہے، جس پر صوبائی وزیر نے ملک ارشد سے کہا کہ آپ میرے ساتھ بیٹھ جائیں میں آپکے خدشات دور کر دیتا ہوں۔ بعد ازاں سپیکر پنجاب اسمبلی سبطین خان نے صوبائی وزیر بیت المال کو ملک ارشد کے ساتھ ساہیوال میں جاکر مسئلہ حل کرنے کی ہدایت کی۔اجلاس میں سیلاب سے متعلق عام بحث کی گئی۔ پاکستان پیپلز پارٹی کے رکن اسمبلی حسن مرتضی نے ایوان میں کہا کہ دریائے چناب کے علاقے میں سیلاب سے تباہ کاری ہوئی تو حکومت کو کہا کہ متاثرین کو سرکاری جگہ دیدی جائے،انہوں نے کہا کہ سیلاب کے دوران ہمیں پاکستانی سمجھا جائے اپوزیشن نہ سمجھا جائے ہمارے لوگوں کوبھی ریلیف دیاجائے، اس موقع پر سپیکر نے کہا کہ پوے ملک میں سیلاب کا طوفان آیا اور چاروں صوبائی حکومتیں محنت کررہی ہیں۔ وزیر پارلیمانی امور راجہ بشارت نے کہا کہ یقین دلاتا ہوں مشکل کی گھڑی میں جو متاثر ہوئے ان کا تعلق خواہ کسی بھی جماعت سے ہو، بلا تفریق ان سے بہترین سلوک کیاجائیگا۔چوہدری ظہیر الدین نے کہا کہ کالا باغ ڈیم بنایا جائے تاکہ سیلابوں سے بچا جائے،جو سیلاب سے متاثر ہوئے انہیں سرکاری زمین دی جائے۔ اجلاس میں وزیر پارلیمانی امور راجہ بشارت نے یونیورسٹی آف کمالیہ بل2022 پیش کیا جسے ایوان نے یونیورسٹی آف کمالیہ کا بل 2022 کثرت رائے سے منظور کر لیا۔اجلاس کا ایجنڈا مکمل ہونے پراجلاس 07ستمبر2022بروز بدھ سہ پہر 3بجے تک کے لیے ملتوی کر دیا گیا۔                

Speaker Punjab Assembly 

Sardar Mohammad Sibtain khan 

 #SibtainKhan #SardarSibtainKhan #MalikSammarAbbas #PTI #politician 

#speaker #Punjab #assembly 

#SpeakerPunjabAssembly #SpeakerAssembly

 #Sardar #Mianwali #punjab #kundian #Piplan #Sibtain #Khan #event #publicdealing #politics #politician #socialmedia #socialmediateam #officialaccount #harnoli #JalsaPti #PublicDealing #piplanhouse